ބްލޮގް ޓާސްކް 1 ގެ ނ ( ޚިޔާލު ހުށައެޅުން)މުޙައްމަދު ޖިނާޙު ފާޅުކޮށްފައިވާ ޚިޔާލާމެދު އަޅުގަނޑު ދެކޭގޮތް

އުނގެނުމާއި އުނގަންނައި ދިނުމުގައި ދަރިވަރުންގެ ތަފާތުތައް ދެނެގަތުމާއި އަދި އެކަންކަމުން އުނގެނުމާއި އުނގަންނައިދިނުމަށް ކުރާ އަސަރުތަކަށް މުޙައްމަދު ޖިނާޙު ފާޅުކޮށްފައިވާ ޚިޔާލާމެދު އަޅުގަނޑު ދެކޭގޮތް

       އުނގެނުމާއި އުނގަންނައިދޭ މާޙައުލަކުން ފެނިގެންދާނެ ތަފާތު ދަރިވަރުންތަކެއްގެ ވާހަކަ ވަރަށް ރަނގަޅަށް މުޙައްމަދު ޖިނާޙުގެ ޚިޔާލުގައި ބަޔާންކުރެވިފައި ވެއެވެ. ނަމަވެސް ފާހަގަކުރެވިފައިވާ ނުކުތާތައް މިމަސައްކަތުގެ މަޤުޞަދަށް ރަނގަޅަށް އަމާޒްކުރެވިފައި ނުވާކަން ފާހަގަކުރެވެއެވެ. އެގޮތުން ކުލާހުގައި ތިބޭ ވިސްނުންތޫނު ދަރިވަރުންނަށް އިތުރު އެކްޓީވިޓީއެއް ގެންގޮސް ހަމައެކަނި އެދަރިވަރުންނަށް އިތުރަށް އުނގަންނައިދޭން މަސައްކަތްކުރުމުގެ ބަދަލުގައި އެފަދަ ދަރިވަރުން ދެނެގަނެ، އެދަރިވަރުން ޝާމިލްވާގޮތަށް ކުލާސް ގުރޫޕުކޮށް އެދަރިވަރުންގެ ފަރާތުން އެހެންދަރިވަރުންނަށް އެހީތެރިކަން ފޯރުވޭފަދަ މަސައްކަތެއް ރާވައިގެން އުނގަންނައިދޭން މަސައްކަތް ކުރެވިއްޖެނަމަ، އެއްމަސައްކަތެއްގައި ގިނަދަރިވަރުން ޝާމިލްކުރެވި ގުޅިގެން މަސައްކަތް ކުރުމުގެ ރޫޙު އުފެދި ވިސްނުންކޮށި ދަރިވަރުންނަށް އުނގެނުމުގައި އިތުރު ހިތްވަރެއް ލިބި، އެކަމުން ރަނގަޅު އަސަރުތަކެއް ކުރަމުންދާނެކަން އަޅުގަނޑަށް ޤަބޫލުކުރެވެއެވެ.

        މީގެއިތުރަށް ދަސްކުރުމާއި މުޢާމަލާތްކުރުމުގައި އުނިކަން ލިބިފައިވާ ދަރިވަރުން ދެނެގަނެ އެފަދަ ދަރިވަރުންނަށް ފަސޭހައިން އޮޅުންފިލާފަދަ އެކްޓިވިޓީ ރޭވިގެން ގެންދިއުމަށް ވިސްނަންޖެހޭކަން ފާހަގަ ކުރައްވާފައިވެއެވެ. އަދި ގިނަ އެކްޓިވިޓީތަކަކުން އެކުދިންނަށް ރަނގަޅަށް ވިސްނި އުނގެނުމަށް ޝައުޤު އުފެދޭނެކަމަށްވެސް ފާހަގަ ކުރައްވާފައި ވެއެވެ. ނަމަވެސް އެއީ ކީއްވެގެންކަމާއި އެކަމުން އުގެނުމާއި އުނގަންނައިދިނުމަށް ކުރާނީ ކޮންކަހަލަ އަސަރުތަކެއް ފާހަގަކުރައްވާފައި ނުވާކަން ފާހަގަކުރަމެވެ. މިފަދަ ދަރިވަރުންނަށް ފިލާވަޅާ ބެހޭގޮތުން ކުރިން ލިބިފައިވާ މަޢުލޫމާތަކީ ކޮބައިކަން ދެނެގަނެ، މަޢުލޫމާތު ހޯދައިގަތުމުގައި ދިމާވެފައިވާ ދަތިތަކަކީ ކޮބައިކަމާއި އުގެނުމުގެ ވައްޓަފާޅިއާ ޝަޢުޤުވެރިކަން ހުރިމިންވަރަށް ބިނާކޮށް އެފަދަ އެކްޓިވިޓީތައް ރާވައި އުގަންނައިދޭން މަސައްކަތްކޮށް ފިލާވަޅުން ހެޔޮ އަސަރުތަކެއް ފެނިގެން ދާނެ ވާހަކަ ގެނައިނަމަ އިތުރަށް ފުރިހަމަވީހެވެ.

        ދަށްގުރޭޑުތަކުގައި ތިބޭ ކުދިންނަށް ކިޔަވައިދިނުމުގައި އުނގެނުމަށާއި އުނގަންނައިދިނުމަށް ދަތިތަކަކާ ކުރިމަތިލާން ޖެހޭ ވާހަކަވެސް ހާލަތާގުޅުންހުރިގޮތަށް ގެނެވިފައިވާކަން ފާހަގަ ކުރެވެއެވެ. އަދި އެކުދިން ކޮންޓްރޯލުކޮސްގެން ކިޔަވައިދިނުމަށް ބާރުއަޅާފައިވާކަން ފާހަގަކުރެވެއެވެ. ނަމަވެސް އެފަދަ ދަރިވަރުން ދެނެގަނެ އެދަރިވަރުންނަށް ރަނގަޅު އަސަރުތަކެއް ކުރުވާފަދަ މޭރުމަކާ ދިމާއަށް ޚިޔާލު އަމާޒުކުރެވިފައި ނުވާކަން ފާހަގަ ކުރެވެއެވެ. އެގޮތުން އެފަދަ ދަރިވަރުންގެ ފަރާތުން އެފަދަ މައްސަލައެއް ފާހަގަ ކުރެވިއްޖެނަމަ އެދަރިވަރުން ކުރަންބޭނުންވާ  ކަންކަމުން އެކަހެރިކޮށް ފިލާވަޅުގައި އެކަށީގެންވާ މިންވަރަށް ބައިވެރިވެވުމުން ނޫނީ އެފުރުޞަތު ނުދެވިދާނެއެވެ. އޭރުން ހަމަޔަޤީނުންވެސް މަޑުމަޑުން އެކަން ޙައްލުކުރެވި އެފަދަދަރިވަރުން ބައިވެރިވާފަދަ އުގެނުމުގެ މާޙައުލެއް އުފެދި ކުލާހުގައި ތިބޭ ގިނދަރިވަރުންނަށް އޭގެ މަންފާ ކުރާނެ ވާހަކަ ކުރުގޮތަކަށް ބަޔާންކުރެވިފައިވީ ނަމަ އިތުރަށް ފުރިހަމަވީސް ކަމުގައި ދެކެމެވެ.